Hai menos dun mes compart\u00eda un caf\u00e9 en Bruxelas con Jane Horvath, responsable de privacidade de Apple. No sol morno da fin do ver\u00e1n belga, a executiva californiana debullaba as raz\u00f3ns polas que o xigante tecnol\u00f3xico tem\u00eda o contido da proposta de Lei dos Mercados Dixitais (Digital Markets Act), que se est\u00e1 a tramitar nestes momentos na Euroc\u00e1mara.<\/p>\n\n\n\n
Explic\u00e1bame que desde a empresa da maz\u00e1 vi\u00f1an de darlle un maior control aos propietarios sobre o uso de datos relevantes dos seus dispositivos por parte doutras aplicaci\u00f3ns. Certamente Apple, para desgusto de compa\u00f1\u00edas coma Facebook ou Amazon, \u00eda dificultar que estas obtiveran tanto Big Data como queren para bombardearnos con eses anuncios que semellan lernos a mente, pois ata nos escoitan sen n\u00f3s decat\u00e1rmonos. A representante da empresa de Cupertino afirmaba que a s\u00faa compa\u00f1\u00eda centr\u00e1base en vender dispositivos e non en facer negocio cos datos dos seus clientes, tratando de xustificar est\u00e1ndares \u00e9ticos m\u00e1is elevados que os dos seus competidores. Semellaba que para Apple todos os que mercan os seus aparellos eran relevantes. Pero a verdadeira preocupaci\u00f3n da tecnol\u00f3xica radicaba en que para poder ofertar esa protecci\u00f3n aos seus clientes precisaban que as apps que se descargan nos seus dispositivos foran obtidas a trav\u00e9s da s\u00faa tenda de aplicaci\u00f3ns. Precisamente ese \u00e9 un dos obxectivos propostos na Lei dos Mercados Dixitais, a eliminaci\u00f3n dos monopolios das portas de entrada en Internet, unha forma moderna da \u00abLei do funil\u00bb.<\/p>\n\n\n\n
Minutos antes atop\u00e1rame co reporteiro Guillermo Abril, un dos correspondentes do diario El Pa\u00eds<\/em> en Bruxelas que vi\u00f1a de publicar un interesante libro recollendo vivencias do seu traballo period\u00edstico e no que vai tecendo f\u00edos dun lado a outro do mundo, seguindo pistas das causas da desigualdade en lugares sometidos a guerras, migraci\u00f3ns, represi\u00f3ns ou esquecemento. Situaci\u00f3ns acentuadas polo control tecnol\u00f3xico dos algoritmos, que van deixando f\u00f3ra do foco de atenci\u00f3n a mill\u00f3ns de persoas. O t\u00edtulo do libro fala por si mesmo: Os irrelevantes<\/em>.<\/p>\n\n\n\n Poucos d\u00edas despois, xa en Lal\u00edn, acabada a s\u00faa lectura, ao acender o meu m\u00f3bil chamou a mi\u00f1a atenci\u00f3n un v\u00eddeo colgado en Twitter por Touri\u00f1\u00e1n (@xatouri) no que unha meni\u00f1a simp\u00e1tica e retranqueira establece un di\u00e1logo coa s\u00faa tablet. Na secuencia, de pouco m\u00e1is dun minuto, Moraima, que as\u00ed se chama a cativa, f\u00e1lalle en galego a Siri, o sistema de Intelixencia Artificial de Apple. Siri non a entende e ela insiste, mesmo troleando a voz do dispositivo ped\u00edndolle que lle axude a recoller \u00abas cousas da habitaci\u00f3n\u00bb. T\u00e9ntao de novo, pero Siri, sen ignorala totalmente, segue contestando en castel\u00e1n, pois non a entende. O inhumano algoritmo de fabricaci\u00f3n humana non quere a adorable Moraima porque os datos que emite ch\u00e9ganlle nun c\u00f3digo desco\u00f1ecido. A pequena res\u00edstese \u00e1 irrelevancia ante os ollos de milleiros de internautas.<\/p>\n\n\n\n Non sei que pasar\u00eda pola cabeza de Moraima, pero si pola mi\u00f1a e supo\u00f1o que a de moitos: ademais de anoxarnos non queda outra que defender a nosa lingua e ser reactivos ante estas discriminaci\u00f3ns porque nin fomos, nin somos, nin queremos ser irrelevantes. Non queremos versi\u00f3ns actualizadas do \u00abnon nos entenden, non\u00bb. Queremos que Siri e as s\u00faas parentes, como Alexa, nos entendan, a\u00ednda que desconfiemos delas.<\/p>\n\n\n\n Ao longo dese d\u00eda souben de quen vi\u00f1a sendo Moraima, de seguro que na s\u00faa casa non van permitir esa irrelevancia. Pensei tam\u00e9n que o futuro de Galicia e do galego depende de rapazas coma ela. Por \u00faltimo, lembrei como Celso Emilio buscaba a Moraima na procura de esperanza.<\/p>\n\n\n\n \u2026Cando quero so\u00f1ar<\/p>\n\n\n\n digo Moraima.<\/p>\n\n\n\n Digo Moraima<\/p>\n\n\n\n cando a noite \u00e9 pechada.<\/p>\n\n\n\n Digo Moraima<\/p>\n\n\n\n e ponse a luz en marcha\u2026<\/p>\n","protected":false},"excerpt":{"rendered":" Art\u00edgo que escrib\u00edn para o n\u00famero 97 da Revista Luzes e que tam\u00e9n podes atopar aqu\u00ed.https:\/\/revistaluzes.com\/2021\/10\/moraima-contra-o-algoritmo\/<\/p>\n","protected":false},"author":3,"featured_media":3831,"comment_status":"closed","ping_status":"closed","sticky":true,"template":"","format":"standard","meta":{"footnotes":""},"categories":[34,71,44],"tags":[],"yoast_head":"\n