{"id":5067,"date":"2022-12-14T22:55:59","date_gmt":"2022-12-14T20:55:59","guid":{"rendered":"https:\/\/nicogcasares.eu\/?p=5067"},"modified":"2022-12-14T23:01:08","modified_gmt":"2022-12-14T21:01:08","slug":"casares-avoga-acelerar-permisos-renovables-coa-participacion-cidada-para","status":"publish","type":"post","link":"https:\/\/nicogcasares.eu\/gl\/casares-avoga-acelerar-permisos-renovables-coa-participacion-cidada-para\/","title":{"rendered":"Casares avoga por acelerar os permisos de renovables coa participaci\u00f3n cidad\u00e1 para “alcanzar os obxectivos clim\u00e1ticos e baixar a factura da enerx\u00eda”"},"content":{"rendered":"\n

O Pleno do Parlamento Europeo debate sobre a modificaci\u00f3n da Directiva de enerx\u00edas renovables, que ser\u00e1 sometida a votaci\u00f3n este m\u00e9rcores<\/strong><\/p>\n\n\n\n

O eurodeputado socialista Nicol\u00e1s Gonz\u00e1lez Casares<\/strong>, relator do seu partido na nova Directiva de enerx\u00edas renovables<\/strong>, defende a aceleraci\u00f3n dos permisos administrativos para impulsar o despregamento de renovables e “alcanzar os obxectivos clim\u00e1ticos, conter as facturas dos cidad\u00e1ns e cidad\u00e1s e independizarnos dos combustibles f\u00f3siles rusos”. <\/p>\n\n\n\n

Este martes, o Pleno do Parlamento Europeo acolleu o debate sobre a revisi\u00f3n das Directiva enerx\u00edas renovables<\/strong> (REDII polas s\u00faas siglas en ingl\u00e9s), co\u00f1ecida como RED IV, que forma parte do Plan REPowerEU sobre a aceleraci\u00f3n e simplificaci\u00f3n dos procesos administrativos para a concesi\u00f3n de permisos a proxectos de enerx\u00edas renovables. Durante a s\u00faa intervenci\u00f3n, Gonz\u00e1lez Casares aludiu \u00e1 participaci\u00f3n social como un dos eixos fundamentais desta nova normativa e, por iso, solicitou o apoio \u00e1 emenda n\u00famero 6 que mellora a participaci\u00f3n cidad\u00e1<\/strong>. “Estas instalaci\u00f3ns deben ter beneficios para as comunidades locais, deben terse en conta as actividades preexistentes, pero tam\u00e9n o potencial laboral e industrial local”, apuntou. Ao mesmo tempo, incitou a fuxir do “retardismo” e pediu “frear algunhas de emendas presentadas” nesa direcci\u00f3n. <\/p>\n\n\n\n

Respecto ao impacto ambiental<\/strong>, o parlamentario chamou a ser rigorosos e coidadosos: “Non debemos confundir aceleraci\u00f3n con levantar a protecci\u00f3n dos territorios. Iso danar\u00eda a confianza cidad\u00e1, \u00e9 un risco real se non temos en conta unha das emendas presentadas”. <\/p>\n\n\n\n

“M\u00e1is renovables significa menos gas ruso, menos f\u00f3siles, m\u00e1is compromiso clim\u00e1tico, menores prezos para os cidad\u00e1ns, en definitiva, todos ga\u00f1amos se facemos unha boa directiva”, conclu\u00edu Gonz\u00e1lez Casares. <\/p>\n\n\n\n

Que prop\u00f3n a nova Directiva de enerx\u00edas renovables? <\/strong><\/p>\n\n\n\n

A proposta RED IV recolle varios instrumentos para acelerar e simplificar a concesi\u00f3n de permisos administrativos como a planificaci\u00f3n espacial<\/strong>, a identificaci\u00f3n de zonas con baixo impacto ambiental<\/strong>, o impulso do autoconsumo<\/strong>, a repotenciaci\u00f3n<\/strong> (aumento de capacidade ou eficiencia dunha instalaci\u00f3n de enerx\u00eda renovable) e a escoita activa<\/strong> de todas as partes implicadas. <\/p>\n\n\n\n

Dentro da bater\u00eda de medidas expostas destaca o establecemento de prazos m\u00e1ximos<\/strong> para a concesi\u00f3n de permisos dependendo de se os proxectos se emprazan en “zonas de aceleraci\u00f3n de renovables” ou a fixaci\u00f3n de prazos m\u00e1is curtos para proxectos de repotenciaci\u00f3n ou de instalaci\u00f3ns solares en estruturas artificiais. Desta forma, para os proxectos en “zonas de aceleraci\u00f3n de renovables” establ\u00e9cese un prazo m\u00e1ximo de 9 meses (en comparaci\u00f3n co ano proposto pola Comisi\u00f3n) e de 6 meses para proxectos de repotenciaci\u00f3n ou de menos de 150kW. Nas iniciativas que estean f\u00f3ra de “zonas de aceleraci\u00f3n de renovables” os prazos f\u00edxanse en 18 meses (a Comisi\u00f3n propo\u00f1\u00eda 2 anos) e en 1 ano para as de repotenciaci\u00f3n ou de menos de 150kW. Para a instalaci\u00f3n de equipos de enerx\u00eda solar en estruturas artificiais, inclu\u00eddos edificios, o prazo \u00e9 de 3 meses (como prop\u00f3n a Comisi\u00f3n), o mesmo que para a notificaci\u00f3n de instalaci\u00f3ns solares por baixo de 50 kW de capacidade.<\/p>\n\n\n\n

<\/p>\n\n\n\n

\n