Nicolás González pregúntalle á Comisión Europea polo peches e os desprazamentos de produción na industria de aeroxeradores na UE

Estes peches e desprazamentos poderían poñer en perigo a transición ecolóxica e as expectativas industriais para a UE

O eurodeputado socialista Nicolás González Casares remitiu o luns 21 de febreiro unha pregunta á Comisión Europea coa finalidade de coñecer cales son as causas que están a provocar os peches continuados e a perda de postos de traballo no sector dos aeroxeradores na Unión Europea.

A modo de exemplo, o parlamentario aludiu ao anuncio de cesamento de actividade por parte da planta de Vall d’ Uixó que atopa, á súa vez, os seus antecedentes nas decisións tomadas por Vestas na planta de Viveiro ou por Siemens Gamesa nas Somozas e Cuenca.

“Estamos a asistir a peches continuados de fábricas de compoñentes de xeradores eólicos e a un desprazamento da produción a terceiros países, a pesar das expectativas de crecemento da capacidade de enerxía eólica que necesita a Unión. Por outra banda, tal e como indica a Comisión ( SWD(2021) 307 final), este sector tamén está a experimentar desafíos económicos, loxísticos e de material”, explica González.

Ante esta situación, o eurodeputado preguntoulle tamén á Comisión Europea se considera que o declive nos postos de traballo e os problemas económicos no sector eólico europeo poden poñer en perigo a transición ecolóxica e as expectativas industriais para a UE. Así como pola súa valoración do estancamento da balanza comercial en equipos relacionados coa enerxía eólica na UE.

Artículos relacionados

Unha Galicia forte en Europa

Unha Galicia forte en Europa

Besteiro defende que o PSdeG-PSOE desde o Goberno da Xunta vai estar enganchado a Europa e esa relación coas...

A aposta verde é vermella

A aposta verde é vermella

ESTE ARTIGO FOI PUBLICADO EN Praza Pública O 9 DE FEBREIRO. AQUÍ PODES LELO Na Ría do Burgo, na área metropolitana da...

Galicia persigue la primavera

Galicia persigue la primavera

ESTE ARTÍCULO FUE PUBLICADO EN infoLibre El 8 DE FEBRERO. AQUÍ PUEDES LEERLO Cuando Feijóo ordenó a Rueda convocar las...