O PSdeG-PSOE apoia no Parlamento Europeo as peticións dos familiares do Vila de Pitanxo

October 25, 2022

O partido ampara a solicitude para descender ao buque e esclarecer as causas do naufraxio

A Comisión de Peticións do Parlamento Europeo analizou este martes a solicitude das familias das vítimas do Vila de Pitanxo para que se descenda ata o barco naufragado e se recupere a gravación do navío que permita obter evidencias que clarifiquen as causas do seu afundimento, ocorrido o pasado 15 de febreiro a 450 quilómetros das costas de Terranova (Canadá).

Desde as bancadas europeas, o PSdeG-PSOE volveu a mostrar a súa solidariedade coas vítimas e o seu apoio a continuar a investigar o ocorrido co barco galego. “É importante avanzar en que se esclarezan as causas, que se saiba que pasou no naufraxio e que isto contribúa a aumentar a seguridade marítima dos nosos pescadores”, apuntou o eurodeputado Nicolás González Casares, membro suplente da Comisión de Pesca.

Casares puxo en valor o traballo dos profesionais do mar que teñen que facer fronte “a enormes dificultades nas súas tarefas diarias para traernos alimentos saudables”. De aí “a necesidade de apoiar a actividade pesqueira”, a cal, ás veces, chega a custarlles a vida.

Nesta liña, o socialista chamou á Comisión Europea a reflexionar sobre as trabas existentes para “mellorar a seguridade e o confort dos barcos ao entenderse todo intento de mellora na flota como unha ampliación da súa capacidade de pesca”. Atrancos, constatados pola Comisión de Pesca.

Respecto á actuación do Goberno español, Nicolás González insistiu en que “non se mantivo cos brazos cruzados”, pero manifestou a súa empatía co que trasladaron as familias das vítimas ante unha suceso como o ocorrido. Tamén quixo deixar patente a diferenza entre a investigación dun accidente marítimo dunha investigación de tipo xudicial que segue outras vías.

Artículos relacionados

Unha Galicia forte en Europa

Unha Galicia forte en Europa

Besteiro defende que o PSdeG-PSOE desde o Goberno da Xunta vai estar enganchado a Europa e esa relación coas...

A aposta verde é vermella

A aposta verde é vermella

ESTE ARTIGO FOI PUBLICADO EN Praza Pública O 9 DE FEBREIRO. AQUÍ PODES LELO Na Ría do Burgo, na área metropolitana da...

Galicia persigue la primavera

Galicia persigue la primavera

ESTE ARTÍCULO FUE PUBLICADO EN infoLibre El 8 DE FEBRERO. AQUÍ PUEDES LEERLO Cuando Feijóo ordenó a Rueda convocar las...