O eurodeputado Nicolás González Casares aborda a actualidade da enerxía e a pesca nesta entrevista en RNE Galicia
Recentemente o Consello de Ministros aprobou o Plan de Ordenación do Espazo Marítimo, un acordo que chega despois dun longo periodo de negociacións. Esta estratexia aborda as necesidades de uso do espazo marítimo desde a óptica de manter o equilibrio entre o uso pesqueiro, enerxético ou de transporte. Tal e como apunta o eurodeputado Nicolás González Casares, “hai que traballar en compatibilizar os usos do espazo marítimo e era preciso ordenalo”.
O eurodeputado explica que “só un 0,48 % dese espazo marítimo vai ser potencialmente utilizado para a enerxía” e avoga polo diálogo para compatilizar os diversos usos, tendo en conta que “os muiños máis próximos estarán a 21 quilómetros da costa”. “Queremos tamén ter unha industria galega que surta a Europa dos compoñente industriais necesarios” para as instalacións offshore, lembra o socialista.
Nesta entrevista a RNE Galicia, o parlamentario incide na postura do seu partido a rebaixar a protección medioambiental e insta á Xunta de Galicia a comprometerse na protección da Rede Natura, tanto no mar como na terra.
Na seguinte ligazón podes escoitar a conversa completa na que tamén se fala sobre a nova Directiva de Renovables ou a mina de San Fins, en Lousame.
